IV

For you sae douce, ye sneer at this;
Ye 're nought but senseless asses, O;
The wisest man the warl' e'er saw,
He dearly lov'd the lasses, O.

V

Auld Nature swears, the lovely dears
Her noblest work she classes, O;
Her prentice han' she try'd on man,
An' then she made the lasses, O.

CHORUS

Green grow the rashes, O;
Green grow the rashes, O;

The sweetest hours that e'er I spend,
Are spent among the lasses, O.

MARY MORISON

I

MARY, at the window be!

It is the wished, the trysted hour.

Those smiles and glances let me see, That make the miser's treasure poor. How blythely wad I bide the stoure, A weary slave frae sun to sun,

Could I the rich reward secureThe lovely Mary Morison !

II

Yestreen, when to the trembling string
The dance gaed thro' the lighted ha',
To thee my fancy took its wing,

I sat, but neither heard or saw:
Tho' this was fair, and that was braw,

And yon the toast of a' the town,
I sigh'd and said amang them a':-
Ye are na Mary Morison !"

III

O Mary, canst thou wreck his peace
Wha for thy sake wad gladly die?
Or canst thou break that heart of his
Wnase only faut is loving thee?
If love for love thou wilt na gie,
At least be pity to me shown:

A thought ungentle canna be
The thought o' Mary Morison.

THE LOVELY LASS OF INVERNESS

I

HE lovely lass of Inverness,

THE

Nae joy nor pleasure can she see;
For e'en to morn she cries "Alas!"
And ay the saut tear blin's her e'e:-

II

"Drumossie moor, Drumossie day-
A waefu' day it was to me!
For there I lost my father dear,

My father dear and brethren three.

III

“Their winding-sheet the bluidy clay,
Their graves are growin green to see,

And by them lies the dearest lad

That ever blest a woman's e'e.

IV

"Now wae to thee, thou cruel lord,
A bluidy man I trow thou be,
For monie a heart thou hast made sair
That ne'er did wrang to thine or thee!"

A RED, RED ROSE

I

MY luve is like a red, red rose.

O, That's newly sprung in June.

O, my luve is like the melodie,
That's sweetly play'd in tune.

II

As fair art thou, my bonie lass,
So deep in luve am I,

And I will luve thee still, my dear,
Till a' the seas gang dry.

III

Till a' the seas gang dry, my dear,
And the rocks melt wi' the sun!
And I will luve thee still, my dear,
While the sands o' life shall run

IV

And fare thee weel, my only luve,
And fare thee weel a while!
And I will come again, my luve,
Tho' it were ten thousand mile!

HIGHLAND MARY

E banks, and braes, and streams aroun

YE banks, ale of Montgomery,

Green be your woods, and fair your flowers,
Your waters never drumlie! *
There simmer first unfauld her robes,
And there the langest tarry;
For there I took the last fareweel
O' my sweet Highland Mary.

How sweetly bloomed the gay green birk,
How rich the hawthorn's blossom,
As underneath their fragrant shade
I clasped her to my bosom!
The golden hours on angel wings
Flew o'er me and my dearie;
For dear to me as light and life
Was my sweet Highland Mary.

Wi' mony a vow and locked embrace
Our parting was fu' tender;
And, pledging aft to meet again,
We tore oursels asunder;

But oh! fell death's untimely frost,

That nipped my flower sae early! Now green's the sod, and cauld's the clay, That wraps my Highland Mary!

O pale, pale now those rosy lips
I aft hae kissed sae foundly!
And closed for aye the sparkling glance
That dwelt on me sae kindly!
And mouldering now in silent dust
That heart that loed me dearly;
But still within my bosom's core
Shall live my Highland Mary.
* Muddy.

AULD LANG SYNE

HOULD auld acquaintance be forgot, and never brought to mind?

SHOU

Should auld acquaintance be forgot,

And days o' lang syne?

For auld lang syne, my dear,

For auld lang syne;

We'll tak a cup o' kindness yet,
For auld lang syne.

We twa hae run about the braes,
And pu't the gowans fine;

But we've wandered mony a weary foot
Sin' auld lang syne.

For auld lang syne, my dear, etc.

We twa hae paidl't i̇' the burn
Frae mornin' sun till dine;

But seas between us braid hae roared
'Sin' auld lang syne.

For auld lang syne, my dear, etc.

And here's a hand, my trusty fiere,1
And gie's a hand o' thine;

And we'll tak a right guid willie-waught
For auld lang syne.

For auld lang syne, my dear, etc.

And surely ye'll be your pint-stowp,
And surely I'll be mine;

And we'll tak a cup o' kindness yet,

For auld lang syne.

For auld lang syne, my dear, etc.