Sidebilder
PDF
ePub

AD MELVINUM.

Epigr. 2.

NON mea fert ætas, ut te, veterane, lacessam;
Non ut te superem : res tamen ipsa feret.
Etatis numerum supplebit causa minorem ;
Sic tu nunc juvenis factus egóque senex.
Aspice, dum perstas, ut te tua deserat ætas ;
Et mea sint canis scripta referta tuis.
Ecce tamen quàm suavis ero! cùm, fine duelli,
Clauserit extremas pugna peracta vices,
Tum tibi, si placeat, fugientia tempora reddam ;
Sufficiet votis ista juventa meis.

IN MONSTRUM VOCABULI ANTI-TAMI-CAMI-
CATEGORIA.

Epigr. 3. Ad eundem.

O QUAM bellus homo es! lepido quàm nomine fingis Istas Anti-Tami-Cami-Categorias !

Sic Catharis nova sola placent; res, verba novantur: Quæ sapiunt ævum, ceu cariosa jacent.

Quin liceat nobis aliquas procudere voces:

Non tibi fingendi sola taberna patet.

Cùm sacra perturbet vester furor omnia, scriptum
Hoc erit, Anti-furi-Puri-Categoria.

Pollubra vel cùm olim damnâris Regia in ara,
Est Anti-pelvi-Melvi-Categoria.

PARTITIO ANTI-TAMI-CAMI-CATEGORIE.

TRES video partes, quò re distinctiùs utar,
Anticategoriæ, Scoto-Britanne, tuæ :
Ritibus una Sacris opponitur; altera Sanctos
Prædicat auctores; tertia plena Deo est.
Postremis ambabus idem sentimus uterque ;
Ipse pios laudo; Numen et ipse colo.
Non nisi prima suas patiuntur prælia lites.
O bene quòd dubium possideamus agrum!

IN METRI GENUS.

CUR, ubi tot ludat numeris antiqua poesis, Sola tibi Sappho, feminàque una placet? Cur tibi tam facilè non arrisêre poëtæ

Heroum grandi carmina fulta pede ? Cur non lugentes Elegi? non acer Iambus? Commotos animos rectiùs ista decent. Scilicet hoc vobis proprium, qui puriùs itis, Et populi spurcas creditis esse vias ; Vos ducibus missis, missis doctoribus, omnes Femineum blanda fallitis arte genus: Nunc etiam teneras quò versus gratior aures Mulceat, imbelles complacuêre modi.

R

DE LARVATA GORGONE.

GORGONA cur diram, larvásque obtrudis inanes, Cùm propè sit nobis Musa, Medusa procul? Si, quia felices olim dixêre poëtæ

Pallada gorgoneam, sic tua verba placent. Vel potiùs liceat distinguere. Túque tuíque Sumite Gorgoneam, nostráque Pallas erit.

DE PRESULUM FASTU.

PRÆSULIBUS nostris fastus, Melvine, tumentes Sæpius aspergis. Siste, pudore vacas.

An quod semotum populo laquearibus altis

[ocr errors]

Eminet, id tumidum protinus esse feres? Ergò etiam Solem dicas, ignave, superbum, Qui tam sublimi conspicit orbe viam : Ille tamen, quamvìs altus, tua crimina ridens Assiduo vilem lumine cingit humum. Sic laudandus erit nactus sublimia Præsul, Qui dulci miseros irradiabit ope.

DE GEMINA ACADEMIA.

QUIS hîc superbit, oro? túne, an Præsules?
Quos dente nigro corripis?

Tu duplicem solus Camoenarum thronum

Virtute percellis tuâ ;

Et unus impar æstimatur viribus,
Utrumque sternis calcitro:

Omnésque stulti audimus, aut hypocritæ,
Te perspicaci atque integro.
An rectiùs nos, si vices vertas, probi,
Te contumaci, et livido?
Quisquis tuetur perspicillis Belgicis
Qua parte tractari solent,

Res ampliantur, sin per adversam videt,
Minora fiunt omnia :

Tu qui superbos cæteros existimas

(Superbius cùm te nihil)

[ocr errors]

Vertas specillum: nam, prout se res habent,
Vitro minùs rectè uteris.

DE S. BAPTISMI RITU.

CUм tener ad sacros infans sistatur aquales,
Quòd puer ignorat, verba profana putas?
Annon sic mercamur agros? quibus ecce Redemp-

Comparat æterni regna beata Dei.

Scilicet emptorem si res aut parcior ætas

Impediant, apices legis amicus obit.

Forsitan et prohibes infans portetur ad undas,
Et per se Templi limen adire velis:

Sin, Melvine, pedes alienos postulet infans,
Cur sic displiceat vox aliena tibi?

Rectiùs innocuis lactentibus omnia præstes,
Quæ ratio per se, si sit adulta, facit.

[tor

Quid vetat ut pueri vagitus suppleat alter,
Cùm nequeat claras ipse litare preces ?
Sævus es eripiens parvis vadimonia cœli:
Et tibi sit nemo præs, ubi poscis opem.

DE SIGNACULO CRUCIS.

CUR tanta sufflas probra in innocuam Crucem?
Non plùs maligni dæmones Christi cruce
Unquam fugari, quàm tui socii solent.
Apostolorum culpa non levis fuit

Vitâsse Christi spiritum efflantis crucem.
Et Christianus quisque piscis dicitur
Tertulliano, propter undæ pollubrum,
Quo tingimur parvi. Ecquis autem brachiis
Natare sine clarissima potest cruce?

Sed non moramur: namque vestra crux erit,
Vobis faventibúsve, vel negantibus.

DE JURAMENTO ECCLESIÆ.

ARTICULIS Sacris quidam subscribere jussus,
Ah! Cheiragra vetat, quò minùs, inquit, agam.
O verè dictum, et bellè! cùm torqueat omnes
Ordinis osores articulare malum.

« ForrigeFortsett »